1/02/2023

رواية عشق القاسي الفصل الثامن 8 من روايات قطرة حياه

 رواية عشق القاسي الفصل الثامن 8 من روايات قطرة حياه




يعتبر موقع اسالنا موقعًا على الإنترنت يهدف إلى توفير مجموعة واسعة من الكتب والروايات المتنوعة للقراءة عبر الإنترنت. يمكن للزوار الوصول إلى كتب وروايات في مختلف اللغات والتخصصات والنوعيات، ويمكنهم قراءة الكتب والروايات عبر الإنترنت مباشرة أو تحميلها للقراءة على أجهزة الكمبيوتر أو الهواتف الذكية. قد يتيح للزوار الدخول إلى الموقع مجانًا ولكن قد يتطلب الوصول إلى بعض الكتب والروايات الدفع مقابله. قد يشمل موقع للكتب والروايات أيضًا مجموعة متنوعة من الأدوات والميزات المفيدة للقراءة، مثل التعليقات والنصوص الملحقة والمراجعات والملخصات والترجمات. يهدف موقع اسالنا إلى توفير فرصة للقراءة الممتعة والتعلم المتنوع للجميع.



عشق القاسى الفصل الثامن


عشق القاسي

الفصل الثامن

في بيت منال

منال : اصحي يا ياسين ايه يا ابني معندكش شغل

ياسين: اممممم

منال: استغفر الله العظيم يا ابني صحصح كده وفوق

ياسين: خير يا ماما

منال: عندي ليك خبر بمليون جنيه

ياسين: يااه خير ان شاء الله

منال بإبتسامة: بكرة هنروح بيت عمك نخطب رسمي

ياسين بصدمة: ايه وافقوا؟

منال بإبتسامة: طبعا يا حبيبي امال هيرفضوا

ياسين: وهي وافقت ازاي انتي مش قلتيلي طنط بتقنعها

منال: يا ابني انت اللي فهمتني غلط انا مقصدتش كده

ياسين: لا يا امي كنتي قصداها وانا فهمت صح بس عاوز اعرف ايه خلاكي تفتكري انها مش هتوافق وبتقولي ان طنط تقنعها

منال بتوتر: اصل بصراحة وانا عندها من اسبوع كده جت واحدة تخطبها لابنها لتاني مرة لانها تقدمت لمرام وهي بتدرس فكانت عائشة رافضة موضوع الارتباط وهي بتدرس ده فعائشة قالت حاضر هسالها وارد خبر فقلتلها انتي هتقولي لمرام فقالت ايوا طبعا قلتلها ما ممكن توافق قالت لا انا عارفة بنتي ومستحيل هتوافق هتقولي كبير عليا يا ماما ومغرور وبيشرب سجاير وعشان ممكن خالد يقابل مراد بعد كده فعشان ميبقاش شكله وحش قدامه فانا بقي قلت يعني نفس الاسباب دي بتنطبق عليك فاكيد عائشة هتتعب معاها


ياسين بإستغراب: خالد مين

منال: خالد صاحبكم خالد امين

ياسين بصدمة: نعم خالد وده كبير ده واتقدملها مرتين وبعصبية : يعرفها منين حضرته

منال: يا ابني هو ميعرفهاش ده اقتراح والدته المهم بقي بطل اسئلة احنا هنروح بكرة بعد المغرب ماشي

ياسين: ان ششاء الله يا امي

ياسين في نفسه" يا سلام بتقول علي خالد كبير امال انا قالت عليا ايه وايه خلاها توافق واقتنعت ازاي طالما اسباب رفضها لخالد عندي برده وانا اللي كنت ساكت قلت هي مش هتوافق اكيد ده ضغط من مراة عمي يا خبر النهاردة بفلوس

استغفرك ربي واتوب اليك دي اختي بنت عمي الدلوعة" ربنا يصلح الحال

/////////////////////////////////////

في المستشفي

مرام بدموع : بكرة يا داليا خلاص بقي امر واقع اعمل ايه

داليا : عشان خاطري اهدي محدش يعرف الخير فين يا مرام وانتي طول عمرك كويسة وربنا ان شاء الله هيبعتلك حد كويس واكيد ياسين ابن حلال ويستاهلك

مرام: متجبليش سيرته مش عاوزة اسمع اسمه حضرته فاكر نفسه لسه عيل ياخد بنت صغيرة ده فرق بينا 11 سنة للبني ادم ده

داليا : لا حول ولا قوة الا بالله ربنا يهديكي ويصلح لك الحال طيب جربتي تتكلمي مع طنط بالراحة كده وتفهميها


مرام بسخرية: هههههه والله انتي طيبة انا طنط مبقتش اعرف بتفكر ازاي غريب عليا اوي تمسكها بجوازي منه غير طبيعي

داليا محاولة تهدئتها: طيب فكري بالعقل اكيد مامتك شايفة حاجة انتي مش شايفاها ولها وجهة نظر ابعد منك

مرام: عادي بقي

داليا: ربنا يقدملك الخير يارب

//////////////////////////////////////

تاني يوم في مكتب ياسين

ياسين هالك نفسه في الشغل عشان ميفكرش في اللي هيحصل النهاردة

مراد : صباح الفل يا بوس

ياسين : صباح الفل يا خويا رايق انت النهاردة

مراد بخبث: ومرقش ليه خلاص هخلص من اكبر مصيبة عندي

ياسين بإستغراب: مصيبة ايه

مراد: ههههههه الدكتورة طبعا هيكون مين هخلص منها وانت هتدبس بس انت بقي يا عيني بقية عمرك

ياسين بإبتسامة باهتة: للدرجة دي مديقاك

مراد بهدؤ: ابدا والله دي روح البيت وروحي انا بص انا عارف طبعا انت اد ايه راجل وجدع وشهم بس برده مش همسك نفسي اني اوصيك عليها برده

ياسين: مرام بنت عمي ولحمي ودمي قبل ما تبقي مراتي ان شاء الله

مراد: تسلملي يا بوس

/////////////////////////////////////////

في بيت كريم

زينب: مرحتش شغلك ليه يا ابني انا والله بقيت كويسة

كريم: ربنا يديكي الصحة ولا يحرمني منك يا ست الكل بس برده مش هنزل الا لما اطمن عليكي وانا استاذنتهم يومين مش ورايا غيرك

زينب: ربنا يحميك ويباركلي فيكي يا حبيبي ويمد في عمري لما اشيل عيالك

كريم: هتشليهم وتجوزيهم كمان ان شاء الله

زينب: ان شاء الله يا حبيبي امال ابوك اتاخر كده ليه

كريم : هتلاقيه داخل علينا دلوقتي بكياس الفاكهة اللي مقرها هيبقي الزبالة لان حضرتك مبتاكليش

محسن داخل محمل بالاكياس: السلام عليكم عاملة ايه دلوقتي يام كريم

زينب : الحمد لله تمام ليه جايب كل ده

محسن : الدكتور قال لازم تاكلي فاكهة علطول

كريم : هههههههه مش قلتلك

////////////////////////////////

في بيت عائشة والتحضيرات علي قدم وساق

عائشة: يا مريم اطلعي شوفي اختك وصحيها لان لو انا اللي طلعنت ولقيتها لسه نايمة هزعلها

مريم: حاضر يا ماما معلش هي برده معزورة وانتي اخدتي الموضوع قفش

عائشة : مكنش ينفع غير كده اختك انا عرفاها ان سهلتلها الموضوع هتعند اكتر وهتركب دماغها وانا مستحيل اقولها ان ابوها هو اللي خطبها لياسين مستحيل

مريم: خلاص انا هطلع لها بس عشان خاطري يا ماما متضغطيش عليها وكلميها بالراحة

عائشة: يا بنتي هو انا يعني عاجبني اني بعاملها كده واني غصبتها علي ياسين بس هي اللي اضطرتني لكده بنشفان راسها

مريم: خلاص يا حبيبتي متدايقيش نفسك بكرة تتجوز وتنسي ده كله وتفتكره وتضحك عليها ربنا يسعدها يارب

عائشة: يارب

//////////////////

في اوضة مرام

مريم: يا نهار ابيض ايه يا بنتي ده مغمقة الاوضة كده ليه وتهز كتفها مرام يا مرمر يلل روحي كفاية نوم وتقوم تفتح الستاير والشباك يلا يا مرام وترفع الغطا وبخضة: يا لهوي ايه اللي انتي عملاه في نفسك ده

مرام ببكاء: يعني يرضيكي اللي ماما بتعمله ده يا مريم والنبي يا مريم اقنعيها انا مبحبش ياسين وبخاف منه اوي والله يا مريم

مريم بتحضنها: طيب اهدي يا حبيبتي اهدي كده واسمعيني عدي بس النهاردة علي خير وربنا ييسر ونشوف طريقة قومي قومي عشان خاطري قبل ماما ما تطلع وتشوفك كده

مرام: سبيني دلوقتي يا مريم وروحي انا هقوم

مريم : انتي اتغديتي

مرام : لا مليش نفس

مريم : انتي مجنونة قومي خدي شاور وصلي وهبعتلك عزة بالغداء قومي يلا عشان خاطري

مرام: اوك ومريم خرجت ومرام رجعت تعيط تاني

في الصالة

عائشة: اختك صحيت يا مريم

مريم : اه يا ماما صحيت وقالت هتاخد شاور وتلبس

عائشة: يا لهوي لسه هتاخد شاور وبعدين مراد فين ايه اللي اخره كده انتوا هتجننوني

مريم : انا كلمته من شوية قال انه في الطريق

عائشة: ماشي هطلع البس انا كمان

مريم : اوك وانا هشوف ملك صحيت ولا لا

//////////////////

في بيت منال بعد المغرب

يطل عريس قمحي اللون مفتول العضلات ذو ابتسامة جذابة ببدلة كحلي وجراف بنفس اللون وقميص ناصع البياض

منال بدموع : لوووووووووووووووولي الف مبروك يا حبيبي الف حمد وشكر ليك يارب اني شفت اليوم ده

ياسين يحضنها بإبتسامة : الله يبارك فيكي يا ست الكل ويمسح دموعها بس عشان خاطري بلاش دموع

يوسف بإبتسامة: وانا بالنسبة ليكم هوا يعني

ويحضن ياسين : الف الف مبروك يا عريس

ياسين: الله يبارك فيك يا يوسف

منال: يلا بينا بقي اتاخرنا يا ولاد عيب كده

ياسين في نفسه " والله بعمل كل ده عشان خاطرك وعشان تبقي مبسوطة "

////////////////////////////

في بيت عائشة

مراد: اهلا وسهلا اتفضلي يا طنط

منال: ازيك يا مراد ياللي مبتسالش عليا

مراد : حقك عليا يا ست الكل ازيك يا يوسف

يوسف: الحمد لله تمام

ياسين: وانا مفيش ازيك اهلا نورتنا اي حاجة

مراد بضحكة: انت البوس يا بوس

ياسين بإبتسامة: ماشي

عائشة: يا الف اهلا وسهلا ايه النور ده وتسلم عليهم

منال: ده نورك يا حبيبتي اخيرا الحمد لله ربنا يتمم بخير يارب

عائشة: يارب يا منال

مريم وملك داخليين

ملك بتجري ليوسف : بابي حبيبي

يوسف يشيلها: حبيبة بابي

مريم : ازيك يا طنط

منال: الحمد لله يا حبيبتي

مريم: ازيك يا ياسين

ياسين بإبتسامة : الحمد لله يا مريم تمام لوكة تعالي سلمي عليا

ملك تروحله : عمو ياثين انت حلو النهالدة

الجميع : ههههههههههههههه

ياسين : يا نصابة

منال: امال فين مرام

عائشة: اطلعي يا مريم شوفي اختك

مريم : حاضر عن اذنكم

ملك بتجري : اقحدي انتي انا هلوح

مريم طلعت وراها

موقعإسألنا

يهدف موقع اسالنا إلى توفير مجموعة متنوعة ومتطورة من الكتب والروايات للقراءة والتحميل، وإلى تسهيل الوصول إلى المحتوى الأدبي للزوار من خلال واجهة مستخدم مريحة وسهلة الاستخدام.




اتصل بنا

الاسم

بريد إلكتروني *

رسالة *